අපේ මව් බිම අත්වී ඇති ඉරණම ඉතාමත් ශෝචනීය එකකි.හෙටක් පිළබඳ බලාපොරොතුව නැති ජනතාවක් රටකි.ජන ජීවිතය නැත්තටම නැති වී ගොස් ඇත. අනේ සර් අපිව නොමරා ඔය සිංහාසනයෙන් බැහැලා යන්න යන හඬ දසතින්ම ඇසෙයි.මේ වසර ඇරඹු දිනසිට අද වෙන විට බඩු මිල දිනෙන් දින ඉහල ගොස් අහස උසට නගිමින් පවතී. ඉන්ධන හිඟය නිසා ජන ජීවිතය අඩාල වෙමින් සිටින්නේ කලෙක පටන් ය.තෙල් එනතෙක් පිරවුම් හල් වල පෝලිම්වල දින ගන්න ගත කිරීම අද මෙහි ජනතාවගේ සාමාන්‍ය කරුණක් බවට පත්වී ඇත.ඒවායේදී දිනගනන් නිරාහාරව සිටි බොහෝ දෙනෙකු ජිවිත්ක්ෂයටද පත්ව යාම අද සුලබ කරුණක් බවට පත්වී තිබේ.පාලකයන් ලොව හැම රටකින්ම ඩොලර් ණයට ඉල්ලමින් හිඟන තත්වයකට පත්වී ඇත.රටේ විදුලිය ලැබෙන්නේ ද කෙටි කාල සිමාවකටය, විශ්ව විද්‍යාල ,පාසල් සති ගණනනින් වසා දමා තිබීම නිසා දරුවන් ගේ අනාගතය ඉතා අඳුරු කල පර්චේදයකට ඇදවැටී ඇත.දුම්රිය බස් ගමනාගනය නැතිව යන තැනට රට ගමන් කර මින් සිටී.ගොවින් සිය වගා කට යුතු වලට පොහොර ඉල්ලමින් කරන මැසිවිලි හැම දෙසින්ම ඇසෙයි.තෙල් නව එනතුරු පාලකයන් දින ගනිමින් පොරොන්දු දෙමින් නාලිකාවල මොර දෙනු ඇසෙයි.
අනාගතයක් පිලිබඳ කිසිදු තැකීමක් නොමැතිව අඳ බාලයින් ලෙස හැසිරෙන පාර්ලිමේන්තු නියෝජිත පිරිසක් අද අපේ දිවයින පාලනය කරන සෙයක් දිස්වේ.මේ තත්වයට වගකිව යුත්තේ පාර්ලිමේන්තුව මගින් පත්වූ පාලකයන් ද? නැතිනම් පාලනය මෙහෙය වූ නිලධාරින්ද ? බැංකු පද්ධතිය මෙහෙය වූ අයද?බොහෝ දේශපාලනඥයින් තවමත් හැසිරෙන්නේ රටේ පවතින මෙම අර්බුදකාරී තත්වය හරි හැටි තේරුම් ගත්බවක් නොමැති අඳබාල පිරිසක් ලෙස යයි කිවොත් නිවැරදිය.
මෙම තත්වය අද වන විට මුළු මහත් ජනතාවම රටේ පාලකයන් වහා කදුරු වන තරමට ප්‍රතික්ෂේප කිරීමට පෙළඹී ඇත.කොටසක් ආණ්ඩුක්‍රම වියවස්ථාවක් නිසා මේ අර්බුදය ඇතිවී ඇතැයි කියමින් පාර්ලිමේන්තුව තුළ කල් මරමින් වැඩ විවාද කරමින් සිටිති.තවත් කොටසක් අරගලය තුලින් පාලකයන් පලවා හැර පාලනය ලැබ ගැනීමට රට පුරා උද්ගෝෂණ පවත්වමින් ජනතාව තරුණ පිරිස් මෙහෙයවමින් සිහින මවමින් සිටින්නේ රට වට්ටා පාලනය සියතට නතු කර ගැනීමටය, තවත් පිරිසක් සර්ව පක්ෂක පාලනයක් සාදාගෙන පාලනය කලක් ගෙන් ගොස් මහා මැතිවරණයකට යා යුතුයි කියමින් තවත් සැලසුම් ගැන වට මේස වල ට වී විවිධ නාඩගම් පවත්වනු දක්නට ඇත,පාර්ලිමේන්තුව තුල කට්ටි ගසමින් ගෙම්බන් සේ කෑගසමින් එකිනෙකාගේ වැරදි පෙන්වා දෙමින් කල් මරමින් සිටිති.නිදහසින් පසු පාලනය ගෙනගිය බොහෝ පිරිසක් මේ සඳහා වගකිව යුතු යයි ජනතාවගේ විශ්වාශය වී තිබේ.රට බංකොලොත්වී ජනතාව කැරලි ගසන්නට පටන් ගන්නා දිනය වැඩි ඈතක නොවන බව පුවත්පත් වාර්තාවලින් කියවේ.ඇත්තෙන්ම රටේ දුප්පත් මහ ජනතාව උග්‍ර ප්‍රශ්න මුහුණ දෙමින් එදාවේල පිරිමහ ගන්නට දිවා රෑ සිතමින් කල් ගත කරන තත්වයකට රට ගමන් කර මින් සිටි. තරු පහේ හෝටල් වල තවමත් බාල් නටන හා රස බොජුන් සුපුරුදු පරදී භුක්ති විඳින මේ පිරිස අතර පිරිසක් ඇති බව මේ ලියන ලියුම්කරුට දිවයිනෙහි දෙමසක් ගතකල ලියුම්කරුට පසුගිය දා දැක ගන්නට හැකිවිය.ඔවුන්ට ගෑස් පෙට්රල් හෝ ආහාර හිඟයක් ගැන මෙතෙක් දැනී ඇති බවක් පෙනෙන්නට නැත.එදිනෙදා සේවයේ නිරතවෙමින් ස්වයං රැකියා වලින් ජිවත්වන අය කෙසේ ජිවත්වනේදැයි කිසිවෙකුට තාමත් නොපෙනේ.ඔවුන් සැමදා මෙසේ ගත කරමින් සිටීද?
පාලකයන් පාර්ලිමේන්තුව තුළ කල යුත්තේ කුමදැයි සැලැස්මක් තිබිය යුතුය. ලොව පුරා රටවල් වලින් සංචාරයකයනට මේ දිවයිනට නොපැමිනේන්නයි පුවත් නිවේදන අද පල කරන්නට පටන් ගෙන තිබේ,ගුවන් යානාවලට තෙල් නැතිව ගුවන් ගමන් නතර කිරීමට ඇතැම් සමාගම් දැනටමත් පියවර ගෙන ඇත.ණ ය ගන්නට පමණක් පාලකයන් දැනගත්තට ඉන් අත්වන ඉරණම ගැන එහි පල විපාක ගැන ඔවුනට අවබෝදයක්ද තිබිය යුතුය.රටට ඔරොත්තු නොදෙනසේ යටිතල පහසුකම් ,අධි වේගී මාර්ග ,ක්‍රීඩාපිටි ,වරාය,ගුවන් යානා ඇනවුම් කරමින් ,මුහුද ගොඩකර සුපිරි පුරවර තනමින් යටිමඩ ගැසූ ණය ඔස්සේ ලැබූ ප්‍රති ලාබ වල අස්වැන්න නෙලන්නට අද පොදු මහජනතාවට සිදුව ඇත. මේවයින් ඔවුන්ට අතයට ලැබූ කොම්ස් කුට්ටි කොහේ හෝ සුරක්ෂිතව තැන්පත් කර ඇත. එහි ප්‍රතිවල මුළු මහත් ජනතාවටම අද ඉසිලීමට සිදුව තිබේ, මේ අවනඩුව කාට කියන්නද ?ඔවුන්ගේ ගේ දොර විනාශකිරීමෙන් සැහීමකට පත් වෙමුද?
තිස්වසරක් තිස්සේ උතුරු කරයේ පැවැති උතුරේ පවතී යුද වාතාවරණයේදී හෝ 71, 89 වැනි කාල වකවානු තුළ දකුණේ පැ වතී ජවිපෙ කැරලි නිසා හෝ විදුලිය හෝ ඉන්ධන නොමැතිව සේවාවන් හෝ මහජන තාවට එදිනෙදා ජීවිතය පැවත්වා ගෙනයාමට නොහැකි වූවානම් ඒ දින කිහිපයකයකට සීමාවී තිබුණි.
පසුගිය මාර්තු මස ආරම්භවූ ගෝල්ෆේස් අරගල බිම අද රට වෙනත් දිසාවකට නැඹුරු කරන්නට සමත්වී ඇත. ඒ නිසා හිටපු අගමැති ඇතුළු කැබිනට් මණ්ඩලයටම අස්වීමට සිදුවූ අතර එයකෙටි කලකින්රට පුරා ඒ අරගල පැතිර ගියේය.මෙය නිර්පාක්ෂික යයි කියවේ.ඇත්තේනම් එසේ නම් පැසසිය යුතු කරුණකි. ජනතා ප්‍රශ්න පාලකයනට දැනේනට මේ අරගලය සමත්වුවට සැකයක් නැත, ඒ පිලිබඳ ජාත්‍යන්තර ප්‍රජාවදගේ ද පැසසුම් ලැබූ බවක් වාර්තා ලවල සඳහන්විය. මෙය කඩ බිඳ දමා අරගල බිම විනාශකිරීමට පාලක පක්ෂය සිදුකළ ප්‍රචණ්ඩත්වයට ජනතාව පිළිතුරු දුන්නේ පාලක පක්ෂයේ එම නියෝජනය කල අයගේ 70 දෙනෙකුගේ දේපොළ විනාශයට පත් කිරීමෙනි. මේනිසා ආණ්ඩු පක්ෂ මන්ත්‍රී වරයකුගේ ජිවිතයක්ද අහිමි වන්නට කරනාසලසුනේය, මේ ප්‍රචණ්ඩත්වය අප කිසි දීනෙක අනුමත නොකරන අතර ඊට වග කිව යුත්තන් නීතිය හමුවට ගෙනවිත් දඬුවම් දිය යුතුය. මෙහිදී ශ්‍රීලංකා නිතීඥ සංගමයද ජනතාවට සහාය පිණිස ඉදිරිපත් වෙමින් කටයුතු කරනු දක්නට ලැබුණි.මේ තත්වය හරි හැටි කල්පනාකාරීව සිදුකලයුතු බව එහි සහාපති වරයාට පැවසීමට මේ ලියුම්කරුට ඉඩකඩ එහිදී සැළසුන බව ද සඳහන් කල යුතුය.
1977 පසු ඇරඹි නිදහස් වෙළඳපොළ ආර්ථිකය නිසා එතෙක් පැවැති දේශීය වශයෙන් ඇරඹුණු මෙරට කර්මාන්ත පුනරුදයට තිත තබා පිටරටින් භාණ්ඩ හා සේවාවන් ගෙන් යැපෙන නව සංස්කෘතියක් මෙරට නිර්මාණය කළේය. රට තුළම දේශීය රෙදිපිළි ,කඩදාසි,වානේ ,සිමෙන්ති, පිඟන් , ටයර් , ආහාර නිෂ්පාදන කම්හල් වැසි යන තැනට කටයුතු සැලසුම් සහගතව කටයුතුකළේය.මේ ගැන සිතමින් ජනතාව අද සුසුම් හෙළමින් සිටිති.අප රට ගමන් කරන්නේ කොයි දිසාවටද? කොහොන් නතර වේද?
ලංකා නිවුස් යුකේ.
ලන්ඩන් කොලම