Lදිවයිනේ යළිත් කොවිඩ් ඇතුළු වයිරස් උණ හිස එසවීමේ අවදානමක්: රෝහල් සීරුවෙන්ANKA NEWS UK
-අප්‍රේල් 28 , 2023
දිවයිනේ දැනට පවතින දැඩි උෂ්ණත්වය නිසා තිදෙනෙකු මියගොස් තිබු අතර කොවිඩ් වැළඳුණු රෝගීන් 3 දෙනෙකු සිටි බව රෝහල් වාර්තාවල සඳහන් වේ.තවද මෙතෙක් දිවයින තුළ වාර්තා නොවූ මැලේරියා රෝගින් කිහිප දෙනෙකු ද. ලාදුරු හා මි උණ රෝගීන් ප්‍රමාණයක්ද ඒ අතර වන බව රෝහල් ආරංචි මාර්ග වැඩිදුරටත් සඳහන් කර තිබුණි.
දැනට පවතින ඖෂධ හිඟය නිසා අත්‍යවශ්‍ය බෙහෙත් ද්‍රව්‍ය 120 රජයේ රෝහල වල නොමැතිවීම නිසා විවිධ රෝගවලට ප්‍රතිකාර ලබන රෝගින් මහත් දුෂ්කර තාවයනට මුහුණදීමට සිදුව ඇතිබව රුපවාහිනී හා පුවත්පත් රැසක්ම සිය ප්‍රධාන පුවත්සිර්ෂ වල සඳහන් කර තිබුණි. මේවන විටත් දිවයිනේ ඖෂධ හිඟය අවසන් කිරීම පිණිස රටවල රැසකින්ම ආධාර මත බෙහෙත් වර්ග රැසක්ම ලැබී ඇති බවත්, අනෙකුත් බෙහෙත් ඇනවුම් කර ඇති අතර ඉදිරි දින කිහිපය තුළ ඒ තොග අපට ලැබීමට නියමිත බව සෞඛ්‍ය ඇමති කෙහෙළිය රඹුක්වැල්ල මහතා අද පවතී පුවත්පත් සාකච්චාවකදී සඳහන් කළේය.
ඉහළ යන කොව්ඩ්-19 රෝගීන්ට ප්‍රතිකාර කිරීම සඳහා රෝහල්වල සූදානම පරීක්ෂා කිරීමට ඉන්දියාවේ සෞඛ්‍ය අමාත්‍යංශය අභ්‍යාස පවත්වන බව විදෙස් මාධ්‍ය වාර්තා වල සඳහන්වේ.එම අභ්‍යාස මේ දිනවල දින රට පුරා ක්‍රියාත්මක කෙරෙන බව එම වාර්තා පෙන්වා දුන්නේ ය.ඉන්දියාවේ සක්‍රීය කොවිඩ් රෝගීන් සංඛ්‍යාව සාපේක්ෂව අඩු නමුත් විශේෂඥයින් ඉල්ලා සිට ඇත්තේ, රෝගය තවදුරටත් පැතිරීම නැවැත්වීමට ප්‍රවේශම් විය යුතු බවයි.
2021 වසරේදී ඉන්දියාව මාරාන්තික කොව්ඩ් දෙවන රැල්ලකට මුහුණ දුන් අතර බොහෝ රෝහල්වල ඔක්සිජන් සහ දැඩි සත්කාර ඇඳන් නොමැති වීම හේතුවෙන් රජය විවිධ විවේචනවලට මුහුණ දුන්නේ ය.
එරටින් අප්‍රේල් මස තුළ කොව්ඩ් රෝගීන් 6,000කට ආසන්න සංඛ්‍යාවක් වාර්තා වී තිබුණු අතර විදෙස් මාධ්‍ය වාර්තා කළේ එදින වන විට රට තුළ සිටි සක්‍රිය රෝගීන් ගණන 35,000ක් වූ බව ය.ඔමික්‍රෝන් උප ප්‍රභේදයක් වන XBB.1.16 හේතුවෙන් මෙලෙස කොවිඩ් රෝගීන් වාර්තා වීම ඉහළ ගොස් ඇතැයි එම වාර්තා වැඩිදුරටත් සඳහන් කරයි.
මේ සම්බන්ධයෙන් අදහස් දක්වමින් ලෝක සෞඛ්‍ය සංවිධානය සඳහන් කර ඇත්තේ, මෙම උප ප්‍රභේදය සම්බන්ධයෙන් මෙන් ම එය ඉන්දියාවේ පැතිර යන ආකාරය ගැන තම සංවිධානය අවධානයෙන් පසුවන බවය.
කෙසේ වෙතත්, එම ප්‍රභේදය මාරාන්තික බවට හඳුනා ගෙන නොමැති බව විශේෂඥයින් ප්‍රකාශ කර ඇත.
අද අරුණ පුවත්පත් වාර්තාවක “මේ වසරේ පළමු කාර්තුවේදී කොළඹ දිස්ත්‍රික්කයෙන් ලාදුරු රෝගීන් 51 ක් හඳුනාගෙන ඇතැයි කොළඹ,ප්‍රාදේශීය සෞඛ්‍ය සේවා බල ප්‍රදේශයේ ප්‍රජා වෛද්‍ය විශේෂඥ කසුනි කළුබෝවිල පැවසු බව සඳහන් කර තිබුණි.
කොළඹ දිස්ත්‍රික් ලේකම් කාර්යාලයයේ ඊයේ (27) පැවැති කොළඹ දිස්ත්‍රික් සම්බන්ධීකරණ කමිටුවේදී ඇය මේ බව සඳහන් කර තිබු බව කියවේ.ඉකුත් 2022 වසරට සාපේක්ෂව මේ වසරේ මුල් කාර්තුවේදී ලාදුරු රෝගීන්ගේ සියයට පහක වර්ධනයක් දක්නට ලැබෙන බවද ඇය කියා සිටි බවත් ලාදුරු රෝගය වැළදුණු ළමුන් පස් දෙනකු දැනට හඳුනාගෙන තිබෙන බවත්,මොරටුව සහ රත්මලාන ප්‍රාදේශීය සෞඛ්‍ය වෛද්‍ය බල ප්‍රදේශ ආශ්‍රිතව ලාදුරු රෝගය සම්බන්ධව පාසල් සිසුන් දැනුවත් කිරීමේ වැඩසටහන් සිදු කෙරෙන බවත්, සඳහන් කළ ඇය පාදුක්ක ප්‍රාදේශීය සෞඛ්‍ය වෛද්‍ය බල ප්‍රදේශයෙන් පසුගිය වසර දහයක කාලය තුළ ළමා ලාදුරු රෝගීන් වාර්තාවී නැතැයිද ඇය වැඩිදුරටත් ප්‍රකාශ කර තිබුණි.
කොළඹ දිස්ත්‍රික්කයේ යම් අයෙකුට ලාදුරු රෝගය ඇත්නම්,ඒ බව ස්ථිරව දැන ගැනීමට සමේ සමීප සේයාරුවක් 075-4088604 වට්ස් ඇප් අංකයට යොමු කළ හැකි බවත්,එහිදී කොළඹ ජාතික රෝහලේ චර්ම රෝග විශේෂඥවරියක් විසින් ලාදුරු රෝගියාට අවශ්‍ය ප්‍රතිකාර කිරීමට කටයුතු කරන බවද ඇය සඳහන් කළාය.