දේශීය ආදායම් දෙපාර්තමේන්තුව ඉතිහාසයේ වැඩි ම බදු ආදායම වාර්තා කරයි
By Sachithra Perera -නොවැම්බර් 20, 2025
දේශීය ආදායම් දෙපාර්තමේන්තුව ඉතිහාසයේ මෙතෙක් රැස්කරන ලද ඉහළම බදු ආදායම මේ වසර තුළ රැස් කර ඇති අතර එය රුපියල් බිලියන 2002ක් පමණ වේ.
පසුගිය වසරේ එය රුපියල් බිලියන 1942ක් වූ බව එම දේශීය ආදායම් දෙපාර්තමේන්තුව කියයි.
ඒ අනුව, මෙම වසරේදී දේශීය ආදායම් දෙපාර්තමේන්තුව පසුගිය වසරට වඩා රුපියල් මිලියන 60,079 ක් බදු ආදායම් ලබා තිබේ.
පවතින ආර්ථික තත්වයට අනුගත වෙමින් බදු ගෙවීමට සහයෝගය දුන් රාජ්‍ය සහ පුද්ගලික අංශය සහ මහජනතාව ඇතුළු සියලුම පාර්ශවයන්ට දේශීය ආදායම් දෙපාර්තමේන්තුව ස්තුතිය පළ කරයි.
සරල කරන ලද තනි පුද්ගල ආදයම් බදු වාර්තාව ඔන්ලයින් ක්‍රමයට ලබා දීම සඳහා උපකාරක සේවා සැපයීමට ද දේශිය ආදායම කටයුතු කර තිබෙන බව එම දෙපාර්තමේන්තුව සඳහන් කළේ ය. (Mawbima lk News)