ශ්‍රී ලාංකික සම්බවයක් ඇති රනිල් ජයවර්ධන මහතාට බ්‍රිතාන්‍යයේ නව අගමැතිණිය වන ලිස් ට්‍රස්ගේ ඇමති මණ්ඩලයේ කැබිනට් ඇමති ධුරයකට පත් කර ඇත.ඔහු පත් කර ඇත්තේ පරිසර , ආහාර හා ග්‍රාමීය කටයුතු භාර ඇමති පදවියටය.මෙය ශ්‍රී ලාංකික ඉතිහාසයේ ප්‍රථම වරට එවැනි කැබිනට් ඇමති ධුරයක් පිරිනැමුණු ප්‍රථම අවස්ථාව වේ.
රනිල් මැල්කම් ජයවර්ධන උපත ලබා ඇත්තේ 1986 සැප්තැම්බර් 3 දින බ්‍රිතානයේදීය. ඔහු 2015 සිට මේ දක්වා හැම්ප්ෂයර් නැගෙනහිර කොන්සවේටිව් පක්ෂය නියෝජනය කරන පාර්ලිමේන්තු මන්ත්‍රීවරයෙකු වේ.ඔහු මීට පෙර 2020 සිට 2022 දක්වා ජාත්‍යන්තර වෙළඳාම සඳහා පාර්ලිමේන්තු උප ලේකම් ලෙස කටයුතු කළේය.
ලන්ඩනයේ උපත ලැබූ ජයවර්ධන මහතා සිය දෙමාපියන් සමග හැම්ප්ෂයර් වෙත පදිංචියට ගොස් තිබුණේ ඉතා කුඩා අවදියෙහි ය.. ඔහුගේ මුල් අධ්‍යාපනය ඊසානදිග හැම්ප්ෂයර්හි හුක්හි ළදරු හා රොබට් මැයි පාසලෙන්ද පසුව ඇල්ටන් විද්‍යාලයෙන් ද ලබාගත් අතර අනතුරුව ඔහු උසස් අධ්‍යාපනය සඳහා ලන්ඩන් විශ්ව විද්‍යාලයේ ලන්ඩන් ආර්ථික විද්‍යා පාසලෙන් උපාධිය (2008- BSc ) ලබා ගෙන තිබුණි.පසුව ලොයිඩ් බැංකුවේ (Lloyds Banking Group )හි ජ්‍යෙෂ්ඨ කළමනාකරුවෙකු ලෙස ද සේවාවේ නිරතවුයෙකු විය.
ඔහුගේ පියා, නලින් ජයවර්ධන ශ්‍රී ලාංකික සම්භවයක් ඇති අතර මව ඉන්දියානු සම්භවයක් ඇති ඉන්දිර ජයවර්ධනය.නලින් ජවර්ධන මහතා එක්සත් රාජධානියට 1978 පැමිණ ගණකාධිකාරී වෘත්තියක් හැදෑරීම සඳහා ය. ඔවුනට දරුවන් තිදෙනෙකු සිටින අතර ඉන් දෙදෙනෙකු පුතුන් හා දියණියක් ද වේ. රනිල් 2011දී ඇලිසන් ලැයින් සමග විවාහ ගිවිස ගත් අතර ඔවුන් තිදරු දෙමාපිය යුවලක්ද වෙති.එක් පුතෙකු හා දු වරුන් දෙදෙනෙක් ගෙන් ඔවුන්ගේ පවුල සැදුම්ලද එකකි.
ඔහු ඊසානදිග හැම්ප්ෂයර් මන්ත්‍රී ජේම්ස් අර්බුත්නොට්ගේ කාර්යාලයේ ස්වේච්ඡා පදනමින් ද සේවය කළේය.අනතුරුව කොන්සවේටිව් පක්ෂයේ 2008 සිට 2015 දක්වා හැම්ප්ෂයර් හි බේසිංස්ටෝක් සහ ඩීන් බෝරෝ හි පලටැහැ පාලන සභා මන්ත්‍රීවරයෙකු ලෙස සේවය කර ඇත.එම කාලය තුළ ඔහු නාගරික පුනර්ජීවනය සහ ආර්ථික පුනර්ජීවනය කෙරෙහි විශේෂ අවධානයක් යොමු කර තිබුණි. ඔහු එම පළාත් සභාවේ උප නායක තනතුර දැරූ අතර පත්වීමට පෙර, මුදල් හා දේපළ පිළිබඳ වග කිවයුතු නිලතල රාශියක් හෙබවූ ජනප්‍රිය අයෙකු විය.
ඔහු 2015 මහ මැතිවරණයේදී ඡන්ද 35,573 (කොටස් 65.9%) සහ වැඩි 29,916 ක් ලබා ගනිමින් ආසනයේ මන්ත්‍රීවරයා ලෙස තේරී පත් විය මෙය මැතිවරණයේදී ඕනෑම කොන්සර්වේටිව් මන්ත්‍රීවරයෙකු ලැබූ විශාලතම ජයග්‍රහණය විය මැතිවරණය අතරතුර එක්සත් රාජධානියේ නිදහස් පක්ෂයේ අපේක්ෂකයා ජයවර්ධනට මරණීය තර්ජන කිරීම පවා සිදුවූ බව වාර්තාවල සඳහන් වේ.
ඔහු පාර්ලිමේන්තුවට පත්වූ දින පටන් මේ දක්වා විශාල මෙහෙයක් සිදුකළ මන්ත්‍රි වරයෙකු වුවේය.ඔහුගේ මංගල කතාවේදී, නීතියේ ආධිපත්‍යය, මානව හිමිකම් සහ නීතියට පෙර සමානාත්මතාවය පිළිබඳ ඔහුගේ විශ්වාසය, අවස්ථාවෙහි සමානාත්මතාවයෙන් සමපාත වන අතර, අයිතිවාසිකම් වගකීම් මගින් සමතුලිත විය යුතු බව ඔහු සඳහන් කර තිබුණි. 2015 දෙසැම්බරයේදී, අගමැති ඩේවිඩ් කැමරන්ගේ සමයේ දී සිරියාවේ ඉලක්ක වෙත ගුවන් ප්‍රහාර එල්ල කිරීමේ කැමරන්ගේ සැලසුම්වලට සහාය දැක්වීමට ඔහු ඡන්දය දුන්නේය.2015-17 පාර්ලිමේන්තුවේදී, ඔහු ස්වදේශ කටයුතු කමිටුවේ සහ ජාත්‍යන්තර වෙළඳ කමිටුවේ කොටසක් විය. රනිල් ජයවර්ධන 2016 ජූනි මස එක්සත් රාජධානියේ යුරෝපා සංගමයේ සාමාජිකත්ව ජනමත විචාරණයේදී බ්‍රෙක්සිට් සඳහා සහාය දැක්වීය.
ඔහු 2017 මහ මැතිවරණයේ දී ඡන්ද 37,754 (65.5%) සහ වැඩි ඡන්ද 27,772 ක් ලබා ගනිමින් ඔහුගේ ආසනයට තේරීපත්විය
ජයවර්ධන ශ්‍රී ලංකාවේ සහ ෆින්ලන්තයේ සර්ව පාක්ෂික පාර්ලිමේන්තු කණ්ඩායම්වල (APPGs) සභාපතිවරයා ලෙස තේරී පත් විය. සහ අයිස්ලන්තයේ සහ ලිතුවේනියාවේ මෙහි පාර්ලිමේන්තු කණ්ඩායම් නියෝජනය කල අතර APPGs හි භාණ්ඩාගාරික ලෙසද කටයුතු කළේය.
2018 ජනවාරි මාසයේදී, වැඩ සහ විශ්‍රාම වැටුප් දෙපාර්තමේන්තුවේ අමාත්‍ය කණ්ඩායමේ පාර්ලිමේන්තු පුද්ගලික ලේකම් ලෙස ජයවර්ධන පත් කරන ලදී. තවද 2018 සැප්තැම්බර් මාසයේදී ඔහු අධිකරණ අමාත්‍යාංශයේ පාර්ලිමේන්තු පෞද්ගලික ලේකම්වරයා බවට පත් කරන ලදී. ඔහු 2018 නොවැම්බර් 15 දින මෙම තනතුරෙන් ඉල්ලා අස්වූයේ රජයේ යෝජිත බ්‍රෙක්සිට් ගිවිසුමට විරෝධය පළකරමින් ඉල්ලා අස්වී අයෙකු ද වේ.
ජයවර්ධන 2019 නායකත්ව මැතිවරණයේදී බොරිස් ජොන්සන්ට සහාය පලකළ 2017 දී ඔහු තරඟය අතරතුර එය වෙත ආපසු ඉවත්වී තිබුණි., ඔහු 2017 කොන්සර්වේටිව් පක්ෂයේ උප සභාපතිවරයෙකු ලෙස තොර පත් කර ගෙන් තිබුණි.
ශාන්ත සේනාධීර (Solictor -London)
(මෙම තොරතුරු ලබාගත්තේ අන්තර් ජාලයෙනි.