ප්‍රවීණ රංගන ශිල්පී බුද්ධි වික්‍රම මහතා අභාවප්‍රාප්ත වී තිබේ.
ඒ මහතා හෝමාගම රෝහලේ ප්‍රතිකාර ලබමින් සිටියදී අභාවප්‍රාප්ත වී ඇති අතර ඔහු ඒ වන විට ඔහු 83 හැවිරිදි වියේ පසුවිය.
බුද්ධි වික්‍රම ගාල්ලේ හීනටිගලදී 1939 ජනවාරි 19 දින සිව් දෙනෙකු ගෙන් යුතුපවුලේ දෙවැනි දරුවා ලෙස උපත ලැබීය. ඔහුගේ පියා තැපැල් දෙපාර්තමේන්තුව සේවය කර තිබුණි. ඔහු හීනටිගල සාරිපුත්‍ර විද්‍යාලයෙන් ප්‍රාථමික අධ්‍යාපනය ද සහ මහින්ද විද්‍යාලය වෙතින් ද්විතීයික අධ්‍යාපනය සම්පූර්ණ කරනු ලැබුවේය.
බුද්ධි සිය ගම පියස වූ හීනටිගල සාරිපුත්ත විදුහලේ ඉගනුම ලබන සමයේ එහි විදුහල්පති වුයේ මගේ පියා වූ බුද්ධදාස සේනාධීරයන් විය. මගේ මව එහි ගුරුවරියක් ලෙස ද සේවය කර තිබුණි.මගේ දෙටු සොහොයුරන් වූ කුලනාථ හා හෙක්ටර් ඔහුගේ සමකාලීනයන් විය.මගේ වැඩිමහල් සොහොයුරාද ගාල්ලේ මහින්ද විදුහලේ ඔහුගේ සමකාලීනයෙක් වූ අතර ඔවුන් පාසල් සියලු දෙනාම එකළ ගාල්ලට පාසල් ගොස් තිබුණේ දුම්රියෙනි.
ඔහුගේ එකළ සමකාලින මිතුරෙක් වූ ලයනල් සිල්වාද පසු ගියදා අප අතරින් වියෝවූ පුවතද මට දැනගන්නට ලැබුණි .ඔහු මට මුලින්ම හමුවුණේ පිළියන්දල පිඟන් සංස්ථා පැවති උත්සවයක්දිය.එහිසේවය කළ සිය ගමේ ඔහු හා උගත් සමකාලින කළමනාකරවරයෙකුද මට එහිදී හඳුන්වාදුන් බුද්ධි ඔහුගේ මුල් අවදිය සිහිපත් කළ අයුරු මට අදමෙන් සිහිවේ.මා ළඟ ඔහු රඟපෑ ටෙලි නාට්‍ය සිනමා පිටපත් රැසක්ම අදටත් සුරැකිව මා සතුව පවතී. අද ඔහු ඇතුළු මා ඉහතින් සඳහන් කල සියලු දෙනාම මෙන්ම අප අතැර ගොසිනි.ඔහු ගේ අව්‍යාජ සිනහව ඔහුට උරුම වූ දායාදයක් විය.
ඔහුගේ සම්පුර්ණ නම බුද්ධිසේන දයාරත්න වික්‍රම විය.බුද්ධි සිය රඟපෑම අරමුවේ පාසල් විහිදිම විය.ගාල්ල මහින්ද විදුහලේ එකල දෙටු සිසුවෙකු වූ මහාචාර්ය විනී විතාරණ නිෂ්පාදනය කළ ‘‘අවුරුද්ද’’ වේදිකා නාට්‍යයේ හි ඔහු ප්‍රථමවරට රඟපෑවේය. ඉන්පසුව, ඔහු 1959 දී මිනින්දෝරු දෙපාර්තමේන්තුවේ නිර්මාණකරුවෙකු ලෙස සේවය කළ අතර එහිදී ඔහුට සහෝදර නළුවන් වූ ධම්ම ජාගොඩ, සැන්ටින් ගුණවර්ධන, ෂෙල්ටන් ද සිල්වා සහ මර්වින් ජයතුංග ලංකාවේ නාට්‍ය කලාවේ පෙරළිකාර පිරිසක් ඇසුරට වැටී තිබුණි.ඒ ඇසුර නිසාම ඔහු නාට්‍ය කලාවට පිවිසුණු බව සඳහන්වේ.
අනතුරුව ඔහු ජී.ඩී.එල්. පෙරේරා ආරම්භ කළ “කලා පෙළ” නාට්‍ය කණ්ඩායම සමගද එක්වෙන 1962 දී ජී.ඩී.එල්. ගේ “මඟුල් මතේ” නාට්‍යයේන් වේදිකා නාට්‍යය යළි කලා දිවියට ජීවිතය ඇරඹුවේය,. ඉන්පසුව අන්දරේ, පරස්තාව, කාමරේ පොරේ, ජනේලය, තොටුපල, මෙහෙව් ලෝකයක්, කොන්තරේ, මනරංජන වැඩ වර්ජන, හොටබරි යුද්දේ, අපායේ අවුරුදු, සහ ශ්‍රී වික්‍රම වැනි වේදිකා නාට්‍ය රැසක ඔහු රඟ පෑවේය
බුද්ධි වඩාත්ම කැපී පෙනුණේ සිනමාවේ ,වේදිකාවේ හා පුංචි තිරයේ ජනප්‍රිය නාට්‍ය රැසකම රඟපෑ නළුවකු ලෙසය.ඔහු ජනතා සම්මානයට පාත්‍රවූ නළුවෙකු විය.1962 – 2016 කාලය තුළ ඔහුගේ ජනප්‍රියත්වයේ ඉහලම තලයට පිවිස තිබුණි.බුද්ධි වික්‍රම, වඩාත් කැපී පෙනෙන්නේ “තාරාදේවි”, “දූ දරුවෝ” “සුසීමා” සහ “අඹ යහළුවෝ” බවතරණ රූපවාහිනී නාට්‍යවල රඟපෑ චරිත සඳහා යයි කිවොත් නිවැරදිය.
මිනින්දෝරු දෙපාර්තමේන්තුවෙහිද පසුව බුද්ධි පිඟන් භාණ්ඩ සංස්ථාවේද ඔහු සේවය කල අතර රඟපෑම නිසා සිය රැකියාවෙන්ද ඉවත්වීමට ඔහුට සිදුව තිබු බව කියවේ..ඔහු අවසන් අවසන් වරට වේදිකාවේ රගපෑවේ ආර්. ආර් සමරකෝන්ගේ දූවිලි වේදිකා නාට්‍යයෙහිය.
1964 දී ජී.ඩී.එල්. පෙරේරා විසින් අධ්‍යක්ෂණය කරන ලද “සාම” චිත්‍රපටයෙන් ඔහු සිය මංගල සිනමා රංගනයට පිවිසි ඔහු 1967 දී ‘‘සැඩොල් කඳුළු’’ ‘ගම් පෙරළිය’ ඉංග්‍රීසි චිත්‍රපටි වූ විලේජ් බයි ද සී, වෝටර්, ගුඩ් මැරේජස් හා ද ග්‍රේටස්ට් ගිෆ්ට් වැනි විචාරාත්මක පැසසුම් ලද විදේශීය චිත්‍රපට සහ කතාමාලාවල ද රඟපෑවේ ය. අනතුරුව ‘‘වැලිකතර’’ චිත්‍රපටයේ ගෝරින් මුදලාලිගේ මිතුරෙකු ලෙසත්, හාරලක්‍ෂය චිත්‍රපටයේ මංකොල්ලකාරයකු ලෙසත් ජනප්‍රිය චරිත රැසක් ඔහු රඟපෑ දක්ෂ නළුවෙකු විය.
1998 වසරේ ලුෂන් බුලත්සිංහල විසින් අධ්‍යක්ෂණය කරන ලද එක මවකගේ දරුවෝ කතාමාලාව හරහා ඔහුගේ ප්‍රථම රූපවාහිනී නාට්‍යයෙන් ඇරඹු අතර ඉන්පසු ඔහු දශක දෙකක් තුළ, ‘සුසීමා’, සහ ‘බව තරණ’ වැනි රූපවාහිනීනාට්‍ය 40 කට වැඩි ගණනකට පෙනී සිටි බව වාර්තා වල සඳහන්වේ..
1975 වසරේ සිට අයිරාංගනී වන්නකුකෝරාල මහත්මිය සමඟ විවාහ වී සිටින අතර මෙම යුවළට කුෂ්ලානි නම් එක් දියණියක් සිටී.ඔහුට සිය බිරිඳ අයිරාංගනී මුණගැසුණේ ඔවුන් දෙදෙනාම පිඟන් භාණ්ඩ සංස්ථාවේ සේවය කරන අතරතුරය
2014 දී ඔහු බයිපාස් සැත්කමකට භාජනය විය.මේ නිසාම ඔහු 2016 රඟ පෑමෙන් ඉවත්වන්නට සිදුවිය. . නහර ගැට ගැසීම සිය දෙපා අක්‍රියවී නැවත අසනීප වීමට පටන් ගෙන තිබුණි.. වසර පහක පමණ කාලයක සිට මේ තත්ත්වය කෙමෙන් කෙමෙන් වර්ධනය වෙමින් පැවතුනු අතර වසර තුනහමාරක් පමණ කාලයක් වික්‍රම රෝද පුටුවකට සීමාව තිබු බව කියවේ.
දසක 5 කට අධික කාලයක් අපේ නාට්‍ය වේදිකාව ,සිනමාව හා පුංචි තීරය ඔපවත් කළ අපේ රසික පරපුර අමානන්දනයට පත් කළ බුද්ධි වික්‍රම රංගදරයාණෙනි ඔබට අපේ ආචාරය -ඔබට සුබ ගමන්.
ශාන්ත සේනාධීර -ලංකා නිවුස් යුකේ.
{මෙහි පළවන සේයාරූ අන්තර් ජාලයෙන් ලබාගත් අතර ඒවායේ හිමිකම් එහි අයිතිකරුවන් සතුය.)